Welcome to the Zulu Kingdom, KwaZulu-Natal
$7.56 | £15.01 | €11.85 | | Time: 15:21 |  |
YENZA IBHIZINISI LAKHO LIBE YINGXENYE YE THE ZULU KINGDOM!
Ngokwethulwa kohlelo lokubhalisa ngokuzithandela kwi Tourism KwaZulu-Natal (i-TKZN) ngonyaka odlule, sekube namabhizinisi ezokuvakasha angaphezu kuka2000 asehlomula ngokuzihlanganisa negama elithi i-Kingdom of the Zulu. Njengenhlangano esemthethweni ekhangisa nge-KwaZulu-Natal, iTKZN inemisebenzi eminingi eyenzela imboni yezokuvakasha nalabo abanokuvakashela khona. Lokhu kuhlanganisa uhlelo lwefekisi elicelwayo olumatasatasa, izincwajana zokuvakasha, amabalazwe kanye ne website enempumelelo enkulu (njengamanje ngenyanga bangaphezu kwesigidi abayivakashelayo nabangu 20 000 abayisebenzisa ngokwempela), nokunye okuningi.
Ngemadlana encane nje enguR150 ngonyaka, ababhalisile baba nekhasi labo kwi website ye TKZN, okuhlanganisa nokubasohleni olusemthethweni lwezokuvakasha nasezincwajaneni zokusiza izivakashi. Ukuba sohleni olukhethekile lwe website nolwefekisi elicelwayo kuyonikeza ibhizinisi lakho ithuba lokukhangiseka ngokuthe xaxa. Uhla olugcinwe kwi-TKZN ngabemisebenzi yezokuvakasha kulesi sifunda luthathwa njengokuseqophelweni eliphezulu ezweni lonke. Lolu hla luqukethe yonke imisebenzi yezokuvakasha eyizigaba ezingu-17, ezihlanganisa izindawo zokuhlala, izindawo zokubamba izingqungquthela nokungcebeleka, kuya kwezokudlela, ezomlando, ezenkolo nezemvelo. Lolu hla lungumgogodla wocwaningo lwethu, ezokuxhumana kwethu, ezokukhangisa kwethu nokusatshalaliswa kwethu kolwazi kuyo yonke i-Kingdom of the Zulu. Ukwethulwa kohlelo lwethu lokubhalisa kwahlangana nokwethulwa kwe Marketing Partnership Programme. Lolu hlelo lwenza ukuthi labo bezokuvakasha ababhalisile bakwazi ukusebenzisa nezindlela ezihlukehlukene zokukhangisa ezisetshenziswa yi TKZN ukukhangisa nge Zulu Kingdom. Amathuba nakanjani ayavela ngokukhangisa okungambi eqolo kwesikushicilelayo nakwezomoya nakumakhomphuyutha, nokuhlanganyela nathi emibukisweni yangaphandle nangaphakathi kwezwe kuhlangene nokumema abezindaba bamanye amazwe abahambele indawo yethu. Uma ufuna ulwazi oluthe xaxa uyacelwa ukuba uvakashele ku www.kzn.org.za/kzn/kznta/47.html.
YEBO-KE YILOKHO EKWENZELA KHONA WENA....KODWA NGABE
THINA ISENZELANI?
Uhlelo lokubhalisa luqinisekisa ukuthi sinayo imininingwane
yakho nokuthi ihlala isesimweni esifanele ngaso sonke
isikhathi. Lokhu kwenza
sikwazi ukunikeza izivakashi zethu ulwazi oluphelele futhi
kusisize ekuhleleni nasophenyweni. Ngokwesu lethu
lokuNakekela amaKhasimende
(Customer Care) abasivakashelayo bayohlomula futhi ngokuba
nomgudu wokufaka izikhalo noma bancome abakutholile
ngesikhathi bevakashile.
KUMELE YINI NGIBHALISE?
Yize okwamanje ukubhalisa kwenzeka ngokuzithandela,
imitheshwana yesifundazwe isibunjwe ngendlela yokuthi
ukubhalisa kuphoqe. Uma
le mitheshwana isishicilelwe abemisebenzi yezokuvakasha
kuyodingeka babhalise kwi-TKZN.
PHO YINGANI KUFANELE KUBHALISWE MANJE?
Siyakuncoma ukuthi ubhalise ngokushesha ukuze usizakale ngemali ephansi yalonyaka nokuthi uqale ukuhlomula enqwabeni yezinzuzo ngaphambi kokuthi kumbondeleke bonke abantu!
FOR MORE INFORMATION VISIT
OR FAX: 031 3056693
www.zulu.org.za
 |  |
Copyright © Tourism KwaZulu-Natal